அதிசயம் என்னவென்றால் இந்தப் பூமி

அசையாமல் சுற்றவைத்தது யாரு சாமி

ஆதியும் அந்தமும் ஆனது தூசி

ஆதாரம் உயிருக்கு காற்றே சாட்சி

இயற்கை வரைந்த ஓவியம் இங்கே

இதுவரை அறியாத உண்மைகள் உள்ளே

ஈன்ற தாயே வணக்கத்தில் முன்னே

ஈதல் ஒன்றே உயிரின் முடிவே

உதிரும் இலைக்கும் இருக்கு இலக்கு

உலரும் விதையிலே உயிரும் இருக்கு

ஊடல் இல்லாது இணையானது இலக்கு

ஊக்கம் மறந்தால் விடியாது கிழக்கு

என்னதான் ஆனாலும் இறுதியில் உரம்

எதுதான் கிடைத்தாலும் ஈற்றில் வரம்

ஏன்தான் பிறந்தோமென நினைக்காது மரம்

ஏழையாக வீழ்ந்தாலும் பயனே தரும்

ஐயம் இருப்பதே இயற்கையின் புதுமை

ஐக்கியம் ஒன்றே மானிடத் தேவை

ஒற்றைப் பருதியில் வட்டமிடும் உலகம்

ஒன்றே பரிதி என சுற்றிவரும் அண்டம்

ஓயாமல் மோதுவதே அலைகளின் கொண்டாட்டம்

ஓய்ந்து போகாது இயற்கையின் கற்பனையோட்டம்

ஔரதன் காணாத இனமும் வாழாது

ஔவியம் பேசும் குணமும் தூங்காது